اني چتلني عشيرً ساكن بجوفي
وثيج عگل وثگل ومضمر الجوفي
من ريام عانه شرد وفروع الخشوفي
لجوج ما ينولى بتلاع بريه
لجوج ماينولى بتلاع والبيدا
گلبي تبثر يايومن لاحلي بيدا
طعينهم بالهوى ياخوي صابو داي
لقمان ماينفعو ولا فاد بي شيه
لقمان ماينفعو بزم الجرح والشل
وعيني كواها السهر وكثر الدمع والشل
يالايمي بالحزن من عگبهم شيل وشل
غشيم لون تهوى ماتلومني بشيه
غشيم لون تهوى ماتلومني بهواي
على حبيب الگلب كل عنتي ودواي
ادري مغثى وكدر مايفيد كثر بچاي
يستاهلون الولف واسيح داليه
يستاهلون الولف واسيح مجنوني
واعض شفافي ندم ياخوي بسنوني
وحيات ربً كتب بالقاف والنوني
گلبي عليهم غدا حمري بجمريه
گلبي عليهم غدا من النيل يالونو
حبي ملوع الگنص هيهات يالونو
لون يحگلي تـــرى علواه ويالونو
لاوسدو والنبي صبح ومساويه
لاواسدو والنبي تايريعلي بالي
همي مگنطر عليه تلول وجبالي
ماتلتگى بالوصف ياگذلتو حبالي
وحناش يوم اصفري سم الرعافيه
وحناش يوم اصفري بالگيض سمني
وبيه العذارى عجب مجنون سمني
سود الليالي خلفن بالحيف جسمني
بين البعد والهوى بحراب ملويه
بين البعد والهوى ياخوي وحرابي
من اللي بديني معا الغزلان هو رابي
عهدً عليا الدهر تاصير بترابي
مسلا ليوم الحشر ويوم الحسابيه
مسلا ليوم الحشر ولگومة الجامة
يازين جدمو نخطى وتگول نعامة
خدو يافگع الچما ونهود شمامة
ومحصن من الدنس آيه الالهيه
#عشيري